ما بعديش حد

بحبك حب مالهوش حد

بحبك مالعيون للخد

بحب الضحكة والبسمة

بحب الشعر و القصة

وحتى الطرحة والخطوة

بحبك م الصباح لليل

بشوفك كل يوم في الحلم

و أجري وراكي بالمشوار

بحبك في صلاة الصبح

و بدعيلك في عمراتي

يا اجمل رنة في وداني

و أجمل بصة في عيوني

وباندهلك تملي أقول

مايمكن تسمعي صوتي

وصوتي يجيلي في وداني

يقولي مفيش

و انا ماشي على الكورنيش

باشوفك نجمة في العالي

تنور في السما الضلمه

و تفتح ألف سكة و سد

ياأغنية بغنيهاعلى لحن الشقا والحب

بقولك أيوه من تاني

بحبك حب

محدش حبه من قبلي

ولا من بعدي راح يتحب

يا ست الكل يا حورية

يا نور أيامي لياليا

سمايا انتي و حتى الأرض

يا أجمل حد

يا عينيا